paQDI'norghDaq
,ghItlhta'bogh ((vIranchI qavqa))
reH paQDI'norgh bIH neH valwI' mu'mey net bep. 'ej yIn motlhvaD lI'Ha' bIH, yIn motlh neH wIghajtaHvIS. ((pa' yIghoS)) jatlhDI' valwI''a', HemajDaq wa' Dopvo' latlh Dop wIghoSnIS 'e' Hechbe' ghaH. SIbI' net ta'laH, lI'bejchugh ta'vam. lutDaq 'oHtaHbogh pa''e' Hech ghaH. pa'qoqvam Daq wISovbe'. pa'qoqvam QIjchu'be' je ghaH. 'ej naDev nuQaHlaHbe'bej je. Dochmey yajbe'lu'bogh yajbe'lu' 'e' neH luqapchu' Hoch paQDI'norghmeyvam. 'ej wISovpu'chu'. 'ach latlh Dochmey bIH Dochmey'e', reH DIbuSnIStaHbogh mavangtaHvIS. vaj jatlh wa' ((qatlh bolobQo'? paQDI'norghmey bopabchugh neH paQDI'norghmey bomoj 'ej reH boSaHnISbe'choH.)) jatlh latlh ((paQDI'norgh 'oH je mu'lIj'e'. jISuDrup.)) jatlh wa'DIch ((bIQapchu'pu'.)) jatlh cha'DIch (('ach Do'Ha' paQDI'norghDaq neH.)) jatlh wa'DIch ((ghobe', ngoDDaq. paQDI'norghDaq bIlujpu'.)),mughta'bogh ((SIng)).
...HIDjolev
Doch 1-DIch. tera' DIS 1996 jar 2-DIch jaj 10-DIch.
Doch 2-DIch. tera' DIS 1996 jar 9-DIch jaj 30-DIch.