A brief copy of

tlhIngan Hol mu'ghom'a' quv

THE GREAT HONORABLE KLINGON DICTIONARY


Last year (2371AD), I had an opportunity to visit Klingon Empire. The room and service of the hotel were totally uncomfortable, and foods and drinks tasted absolutely bad. But, I had a wonderfull time learning Klingon custom and language. At first, I visited the planet Kronos and went to the Imperial Library at First City. The library is completely filled with useful information and knowledge. I was permitted to access Klingon Imperial Information Net at the library (thanks to ghIlaSnoS). I read some Klingon literature and poetry, and heard some operas.

And then, the miserable event came suddenly.

I was studying The Great Honorable Klingon Dictionary when the news about the begining of the invasion upon Cardassia came out. I was forced to return to the Federation territory imediately... directry from the library without my baggage. Only thing I was able to bring was the brief copy of the Dictionary.

Here is it. I hope Klingonists in U.F.P. will enjoy this document.



batlh (DIp) vay'vaD Doch Dun 'anglu'bogh vuvlu'DI'. Doch chavlu'bogh Qapchu'DI'. / (lo') batlh potlh law' yIn potlh puS. / =quv.
batlh (chuvmey) vangDI' quv ghaj qoj qem qoj 'ang. / batlh Daqawlu'taH. ; batlh bIHeghjaj.
betleH (DIp) batlh 'etlh. lurDech nuH 'oH. betleH wa'DIch chenmoH qeylIS lIjlaHbe'bogh vay' 'ej pong.
be'nal (DIp) be'e' tlhapbogh loD SawDI'. Sawlu'meH be'.
bortaS (DIp) 1. bIj rIQmoHghach joq qengbogh vay'. QIHlu'pu'DI' qoj bechpu'DI' vay' Dochvam ta'. 2. ghawran Duj'a' pong. tlhIngan wo' Duj vorcha' 'oH. / (lo') 1. bortaS bIr jablu'DI' reH QaQqu' nay'. ; bortaS nIvqu' 'oH bortaS'e'.
chu' (wot) vay' (jan jo' latlh joq) vangmoH.
DaH (chuvmey) 1. qaSDI' poHvam. 2. ra'meH lo'lu'DI' DaH yIvang 'e' Hech. / (lo') 1. DaH yIDIl. 2. DaH !
Daqtagh (DIp) lurDech SuvwI' taj. Suvlu'meH lo'lu' 'ej tayvaD lo'laHghach'a' ghaj je.
Dat (DIp) Hoch Daqmey. / (lo') mu'vamvaD -Daq mojaq yIchelQo'. ; qatlh Dat DI tu'lu' tlhIngan.
DIl (wot) vay' SuqmeH Huch nob.
DIv (ghu' wot) HeSpu'. yempu'. vangHa'pu'.
Duj (DIp) bIQ'a'Daq loghDaq joq ghotpu' Dochmey joq qengbogh lupwI' tIn.
ghagh (wot) nuj Hugh je lamHa'choHmoHDI' bIQ lo'.
ghargh (DIp) 'uS Hutlhbogh ghew tIq. Soplu'meH ghargh Qat law' Hoch Qat puS. Soplu'DI' qagh 'oH. / qagh yIlegh je.
ghe''or (DIp) wIch wutlh qo'. HeghDI' quv Hutlhbogh ghot pa' jaH. pa' 'av veqlargh.
ghoS (wot) vay'Daq vIH. vangDI' ruch. / (lo') ghochvaD mu' tlha'be' -Daq mojaq 'ej ghoS nung neH. ; HIghoS. ; yuQ wIghoStaH.
Ha'DIbaH (DIp) 1. yIntaHbogh Doch 'ach ghot 'oHbe'. 2. SopmeH Ha'DIbaH(1) porgh. 3. mu'vam'e' lo'lu' vay' tIchDI'. / (lo') 2. Ha'DIbaH vISop vIneH. 3. verengan Ha'DIbaH !
Hegh (DIp) yIn 'e' mevpu'DI' chav, HoHlu'pu'DI' wanI' joq. / (lo') QamvIS Hegh qaq law' torvIS yIn qaq puS.
Hegh (wot) yIn 'e' mev. yIn rIntaH. yInDaj ngoQDaq SIch. / (rur) yo' qIjDaq vavpu'ma' muv. HIq tlhutlh 'ej tlhej qeylIS. / (lo') Heghlu'meH QaQ jajvam.
HoD (DIp) 1. Duj SeHbogh ghot. Duj DevwI'. 2. QI' yaS. / (lo') qarghan HoD ; janluq pIqarD HoD.
HoH (wot) Hegh chenmoH qoj vay' HeghmoH. / (lo') wa' yIHoH.
Hol (DIp) nuq Qub 'e' 'angmeH ghoghmey mu'mey je pat. / (lo') tlhIngan Hol ; DIvI' Hol.
Hov (DIp) 1. HopDaq 'oHtaHbogh 'ej qaStaHvIS ram chalDaq narghbogh Doch wov. 2. loghDaq SIpvo' chenbogh 'ej wovbogh moQ tIn. / (lo') 1. jIjatlhpa' jatlh Hovmey. ; Hovmey Davan.
je' (wot) ghotvaD Ha'DIbaHvaD joq Soj nob.
je' (wot) vay'vaD DIl 'ej vay' Suq.
jIH (chuvmey)(=DIp) jatlhwI' ghItlhwI' joq ghaHbogh ghot'e'.
jub (ghu' wot) reH yIntaH. not Hegh.
legh (wot) 1. mInDu' lo' 'ej vay' tu'. 2. vay' bej. 3. vay' retlhDaq vay' tu'. vay' ghom. vay' Such. / (lo') 1. pa'vo' pagh leghlu'. ; 2. pu'HIchwIj Daleghpu'. ; 3. qaleghneS.
loDnal (DIp) loD'e' tlhapbogh be' nayDI'. naylu'meH loD.
mIp (DIp) Huchmey law' Dochmey law' joq ghajlu'bogh.
mu'ghom (DIp) Hol mu' 'angbogh 'ej nuq Hech 'e' QIjbogh qoj nov HolvaD mughbogh paq'e' qawHaq'e' joq.
naDev (DIp) Daqvam. Daq Sum. / (lo') mu'vamvaD -Daq mojaq yIchelQo'. ; naDev bIHtaH. ; naDev tlhInganpu' tu'lu'. ; naDevvo' vaS'a'Daq majaHlaH'a'.
naj (wot) 1. QongtaHvIS wanI' leghlaw'. 2. Qub 'ej tul. / (lo') 1. bInajtaHvIS qeylIS Daghomjaj.
nay (wot) be'nal moj 'ej loDnal tlhap.
nob (DIp) Doch nobqanglu'bogh. DochvamvaD DIlnISbe' HevwI'.
nob (wot) vay' HevmoH qoj ghajmoH.
noH (DIp) qaStaHvIS wanI'vam'e' ghobchuq wo'mey wa' wo'Daq ghommey ghap. ghoblu'DI' QI' lo'lu'. / =veS.
nuH (DIp) rIQmoHmeH jan. taj 'etlh HIch beH latlh je. / (lo') reH nuHmey tu'lu'.
nuq (chuvmey) (=DIp) vay' ngu' 'e' tlhoblu'DI' lo'lu'. vay''e' Sovbe'bogh jatlhwI' 'ej Sov neHbogh 'oS. / (DIp) nuq legh yaS. ; Dochvam nuq. ; nuq mI'lIj. ; Sojvetlh 'oH nuq'e'.
ngan (DIp) wa' DaqDaq yIntaHbogh ghot Ha'DIbaH joq.
pa' (DIp) Daqvetlh. Daq Hop. / (lo') mu'vamvaD -Daq mojaq yIchelQo'. ; pa'vo' pagh leghlu'. ; pa' jIyIt'a'. ; pa' yIQam.
qagh (DIp) SopmeH ghargh jablu'bogh. / (lo') qagh Sopbe'. / ghargh yIlegh je.
qan (ghu' wot) qaStaHvIS poH nI' yInpu'.
quv (DIp) vay'vaD Doch Dun 'anglu'bogh vuvlu'DI'. Doch chavlu'bogh Qapchu'DI'. / (lo') batlhHa' vanglu'taHvIS quv chavbe'lu'. ; tlhIngan quv DatIchDI' Seng yIghuH. / =batlh.
quv (wot) batlh Suqta'. batlh noblu'pu' qoj 'anglu'pu'. / (lo') bItuHlaHbe'chugh bIquvlaHbe'. ; jIquv.
Qo'noS (DIp) yuQ pong. pa' yIntaH tlhInganpu'. tlhIngan wo' mon.
Qup (ghu' wot) 'Itlhbe'.
reH (chuvmey) qaStaHvIS Hoch poHmey. qaSDI' Hoch wanI'. / (lo') reH tlhInganpu' taHjaj. ; reH Suvrup SuvwI''a'.
roghvaH (DIp) yoSDaq vengDaq wo'Daq latlhDaq joq yIntaHbogh ghotpu'.
Saw (wot) loDnal moj 'ej be'nal tlhap.
So' (wot) vay' leghlu' 'e' bot.
So'wI' (DIp) mInvo' nochvo' je Doch (motlh Duj) So'bogh Surchen lIngwI'. / (lo') So'wI' yI'chuHa'.
SuvwI' (DIp) 1. qaSDI' may' Suvbogh ghot. 2. tuqDajvaD Suvbogh tuq ghot. / =vaj. / (lo') reH Suvrup SuvwI''a'.
taj (DIp) pe'meH lich jan. nuH 'oH je.
tuj (ghu' wot) Hat jen ghaj. Hat jen lIng. / tujqu'choH QuQ. ; tujpa' qul pub SuvwI' 'Iw. ; reH latlh qabDaq qul tuj law' Hoch tuj puS.
ta' (DIp) wo' che'wI'. qeylIS lIjlaHbe'bogh vay' ghaH tlhIngan wo' ta' wa'DIch. / =voDleH.
vaj (DIp) 1. qaSDI' may' Suvbogh ghot. 2. tuqDajvaD Suvbogh tuq ghot. / =SuvwI'. / (lo') vaj toDuj Daj ngeHbaj DI vI'.
vem (wot) Qong 'e' mev.
veS (DIp) qaStaHvIS wanI'vam'e' ghobchuq wo'mey wa' wo'Daq ghommey ghap. ghoblu'DI' QI' lo'lu'. / =noH.
veqlargh (DIp) ghe''orDaq 'avbogh wIch Ha'DIbaH. / (lo') HIvqa' veqlargh.
voDleH (DIp) wo' che'wI'. qeylIS lIjlaHbe'bogh vay' ghaH tlhIngan wo' voDleH wa'DIch. / =ta'.
voq (wot) vIt ruv joq ghaj vay' 'e' Qub. / (lo') DujlIj yIvoq. ; yIvoq 'ach yI'ol. ; Huch nobHa'bogh verenganpu''e' yIvoqQo'.
wo' (DIp) wa' che'wI' che'bogh wa' ghom ghap ghajbogh DIvI'. / (lo') tlhIngn wo' ;
yaj (wot) nuq Hech mu' Hol latlh joq 'e' Sov. / (lo') bIyaj'a'. ; jIyaj.
yejHaD (DIp) HeDmeH yej. / (lo') tlhIngan Hol yejHaD.
yejquv (DIp) tlhIngan wo' che'bogh ghom. cha'maH loS ghot ngaS yejquv 'ej vaS'a'Daq gham chaH.
yo' (DIp) 1. Dujmey ghom'e' ra'bogh ghot rap. 2. wo' Hoch veSDujmey. / (lo') 1. yo' qIj.
yuQ (DIp) loghDaq Hov retlhDaq vIHbogh 'ej Hovvo' wovtaHghach Hevbogh Doch.
'Iw (DIp) yoq porghDaq Ha'DIbaH porghDaq je vIHbogh taS Doq. Doqqu' Human 'Iw. 'Iw SuDqu' lughaj vulqangan romuluSngan je. 'Iw bIQ je luqImlu'DI' HoS Hech 'Iw. / (lo') tay'taHbe' 'Iw bIQ je. ; tujpa' qul pub SuvwI' 'Iw. ; 'IwlIj ghogh yIQoy.
'oy'naQ (DIp) 'oy' nobbogh naQ. nentay loplu'DI' lo'lu'.

...Go Back to Klingon Menu
...Go Back to English Menu
...Go Back to Japanese Menu
Ver.1 Apr. 15th.,1998
Shinichirou Koubuchi
Tokyo, Japan